Heisann! Idag har eg ein kjempenyhet til dåke!! 

Siste vekene har gått i den faste nye rutina mi. Opp kl.07.00 for å ete frokost, etterfulgt av styrkeøkt på treningssenteret.

 

Så et eg lunsj medan eg ser på favoritt-programmet mitt (ikkje mobb): Dr.Phil 🙂 Det er kjempeinteressant altså!

Så går eg tur med Dex og et sunn middag seinare på dagen. Slik går no dagane.

  

Eg har også hatt eit maleprosjekt no før regnet kom, med å male rekkverket på terrassen. Rakk to strøk før regnet kom, og det blei nokre hakk finare ja!

FØR:

ETTER:

 

Eg har også fleire dagar gått på fjelltur i Vindmølleparken. Eg og Dex hadde oss ein tur i pøsregn ein dag, men det gjekk det og!

Elles hadde eg og mams ein nydeleg tur i solnedgangen her ein dag; heilt fantastisk!

 

På tirsdag gjekk eg opp til Siggjo med mine spreke foreldre for fyrste gong! Aldri vert der før. FOR ein utsikt!! <3 Absolutt ein tur å anbefale, sjølv om det var tungt opp! 

 

Her ein kveld jogga eg også rundt Vestbøstad etter gammalt. Ikkje rekord-tid, men eg klarte det! Formen er altså stadig stigande!! 😀 

MEN, frå spøk til alvor! Idag etterspurte eg resultata frå MR-undersøkelsen min, mandag forrige veke. Dette var altså den første MR undersøkelsen etter behandlinga i Russland. Midt på dagen idag, tikka det inn svar frå MS-sjukepleiaren min på Haukeland:

Eg fekk rett å slett frysningar over heile kroppen, og tårene pressa seg på. Det er sjeldan eg grin av glede. Men fyttikatta. Eg vart så sjokka og glad! Grein av glede!!

Eg har jo høyrt om folk som har hatt lesjoner/arr som har minska etter behandling, men dette sa jo legen i Russland veldig klart og tydeleg fra om at ikkje var ein sjølvfølge- KUN ein bonus i så tilfelle. Så eg har eigentleg ikkje vågd å tenkja at noko slikt skulle skje med meg. Men eit snev av håp har eg jo alltid hatt, innerst inne. Men at det faktisk skulle skje!? Allerede så snart som dette! Heilt ufatteleg! Eg hadde no innstilt meg på at dette ikkje kom til å skje, men om sjukdommen stoppa vidare progresjon skulle eg vere utruleg takknemleg og fornøyd. Men dette er jo berre HEILT UTRULEG!!

Alt eg har vert gjennom dei siste åra, det å plutseleg miste håret og sjølve behandlinga generelt- det har gitt meg så mykje erfaring og lærdom – og no til slutt også vist seg å ha vert SÅ verdt det! Ingen nye angrep og arret i nakken kan dei ikkje lenger sjå på MR-bildene! Får frysningar igjen berre eg skriv om det no. 

Det fyrste eg gjorde etter beskjeden, skjelven som berre det, var sjølvsagt å ringje både Marius, mamma og pappa. Mamma høyrde nok på stemma mi ( som mødrer flest gjer ) at dette var eit spesielt augneblikk for meg, så kun 2 min etterpå kom ho innom med ein nydeleg blom. 

Eg er verkeleg heldig med all denne støtten og gode mennesker rundt meg! På slike store dagar som dette, vert saknet etter mine besteforeldre ekstra stort. Skulle ønske dei hadde vært her og delt både tøffe stunder og slike enormt store gleder saman med meg! 

 

Men det er ikkje berre den gode støtta frå alle i familien min rundt meg som har betydd enormt mykje gjennom denne prosessen. Det er dåke lesarar som både har støtta og heia på meg heile vegen, og for ikkje å snakke om alle bidraga som kom inn i innsamlingsaksjonen- som har gjort dette mogleg for meg å få oppleve! Eg er evig takknemlig for kvar og ein av dåke! <3 TUSEN TAKK for at dåke gav meg denne moglegheiten! 

Eg sendte også melding til Dr.Fedorenko om den store nyheten, takka han for å ha gitt meg livet tilbake og spurte om det verkeleg var mogleg at arr kunne forsvinne så kjapt etter behandling. Kun eit kvarter etterpå svarte han nøgd:

Eg kan ikkje få takke han nok.. Min engel.. Denne mannen og teamet hans har verkeleg gitt meg ein ny sjangse i livet! Så kjære sunne livsstil; ikveld skeier eg skikkeleg ut! Ikveld skal det feirast med ostepopp, pepsi-max og chill! <3 Sjølv om det ikkje er lørdag!

 

Eg kunne ikkje vert meir fornøyd og glad!! 😀 Føles heilt fantastisk å dele denne nyheten med dåke alle! 

Ta vare på kvarandre <3

 

Og igjen- tusen takk for at dåke har gjort dette mogleg for meg!