For ein måned det har vært!
Julefeiringa med familien vart nett som eg håpa på. Me åt god mat, spelte spel og lo masse ilag! Akkurat slik jula skal være <3 Skape gode minner.
Her er eit bilete av meg og favorittane mine. Har ikkje ord for kor glad denna tanto er i desse to gutane sine! Er det nokon som gir meg håp og ståpåvilje utan like, så er det desse to!
Første juledag reiste eg til Vågslid med Marius og familien hans. Kjempekjekt!
Ellers feira eg 26-årsdagen min denne helga, noko som også var fantastisk kjekt!
Eg er berre sååå heldig så har så mange gode venner rundt meg.
Og apropos heldig.. Her ein dag dukka det eit fantastisk flott brev i postkassa mi. Det fekk faktisk tårene til å renna, ikkje fordi eg var lei meg- men fordi det føltes så ubeskriveleg godt. Det er når slike ting skjer at ein faktisk innser kor heldig ein eigentleg er. Kor godt ein har det.
Det var eit brev frå eit av borna i den barnehagen eg jobba i før, som no har begynt på skulen og blitt stor skulegutt! Han hadde skrevet sjølv: “God jul, Karina! Savnar deg!” – og lagt ved eit bilete av seg sjølv, eit skjønt nisse-smykke, ein “savner deg”-stein og godteri. Heilt fantastisk å ha ein jobb som gir meg så mykje glede og kjærlighet! Evig takknemlig for kvar og ein av barna eg har møtt i jobben min, dei har og vil alltid ha ein stor plass i hjerta mitt <3 Det skal eg sørgja for at dei aldri gløymer.
Året som har gått.. for eit år av opp og nedturar! 2017 har vært eit år fylt med følelsar, nye opplevelsar og enormt mange tankar. Men eg er takknemlig for alt eg har opplevd, for erfaring gjer ein rikare- både på godt og vondt. Ein kan alltid lære noko av det man opplever og bruke det til å gjer noko godt for andre.
Eg har siden eg fekk diagnosen, hatt eit håp om å bruke det som eg har opplevd til å kunne være ei støtte for andre, være ein inspirasjon og forhåpentligvis bli eit symbol på at man klarer det man vil- så lenge man aldri gir opp håpet. Alt er mogleg, så lenge du trur på det sjølv.
Det handlar om å aldri gi opp, men prøve å være den beste utgaven av deg sjølv. Når du ikkje føler deg som deg sjølv lenger, så kan selvfølgeleg dette bli vanskeleg. Det har eg erfart. Men eg har eit håp om å vinne meg sjølv og kontrollen på livet tilbake, og det håpar eg at 2018 skal gi meg ein moglegheit til. Eg har trua!
Eg vil bruke denne anledningen til å takka alle som har vært med å bidratt til å gi meg eit fantastisk år i 2017! Eg sett så uendelig stor pris på kvar og ein av dåke. Venner, familie, bekjente og ukjente- alle som har vist meg støtte og engasjement i innsamlingsaksjonen for stamcellebehandlinga mi!
Til oppdatering: Innsamlingsaksjonen på Rimbareid skule fekk inn litt over 9000 kroner ! Heilt fantastisk- TUSEN TAKK!! Så no er totalsummen på behandlingskontoen min: 180 000 kr!! Er faktisk nesten halvveis til totalsummen for behandlinga no <3 Har ikkje ord!
Eg ønsker dåke alle eit strålandes godt nytt år! Håpar og kryssar alt eg har for at 2018 blir eit fantastisk år for oss alle <3 Ta vare på kvarandre!
